Айдо Ялгат, Паро Ялгат (текст) - Ансамбль Ламзурь
Слова: народные
Айдо, ялгат, паро ялгат,
Пурнавтано вейс,
Эрзянь моро моратано
Верьга вайгельсэ.
Каятозо минек морось
Вирьга-лаймова.
Лаймонть песэ касы-касы
Умарень пире.
Касы тосо умарь чувто
Сэрейде сэрей.
Сон и сэрей, сон пек виде,
Лопанзо келейть.
Сравтовсть сонзэ ундокскензэ
Масторонть келес.
Сравтовсть сонзэ тарадкензэ
Менеленть келес.
***
Вариант
Айдо, ялгат, паро ялгат,
Пурнавтано вейс!
Эрзянь моро моратано
Верьга вайгельсэ.
Каятозо минек морось
Вирьга-лаймова.
Лаймонть песэ касы-касы
Умарень пире.
Тосо касы умарь чувто
Сэрейде сэрей.
Сон и сэрей, и пек виде,
Лопанзо келейть.
Сравтовсть сонзэ ундокскензэ
Масторонть келес .
Сравтовсть сонзэ тарадкензэ
Менеленть келес.
Кенерсь, кенерсь мазый тейтерь
Мирденень максомс.
Эштё кенерсь эрзянь цёрась
Сёксня урьвакстомс.
Айдо, ялгат, паро ялгат,
Пурнавтано вейс!
Эрзянь моро моратано
Верьга вайгельсэ.