ይችላል - Eyerusalem Negiya || track 08, volume 3 || 2021
ይችላል
ግጥምና ዜማ - ኢየሩሳሌም ነጊያ
ሙዚቃ ቅንብር - ክብረአብ ጣሰው
ጊታር ቃለ አብ ጠቅል
ቤዝ ጊታር ሚልክያስ አሰፋ
ሞሽን ግራፊክስ - ቲራጎ ታደሰ
#Addis_Ababa #Eyerusalem_Negiya #Volume_3
ይችላል
እናንተ ደካሞች ብዙ ሸክም የከበዳችሁ
ወደኔ ቅረቡ ከቀንበራችሁ ላሳርፋችሁ
ብሏልና ጌታ ሸክሜን ሁሉ አንድም ሳላስቀር
አራግፋለሁ ጭንቀቴን ሁሉ ከእግሩ ስር
እኔን ያጎበጠኝ በርሱ ፊት ምንድነው
አልፈታም ሚለው ችግሬ የትኛው ነው
ጥያቄዬን ሁሉ እሰድዳለሁ ወደላይ
ለእርሱ አስረክቤ እኔ እላለሁ እፎይ
ይችላል ( #4 )
ይችላል ሽባውን መተርተር
ይችላል ዲዳውን ማናገር
ይችላል ተራራውን መናድ
ይችላል ደመናውን ማውረድ
አለቀልኝ ብዬ ያከተመው ነገሬን ይዤ
ስለምን ልቀመጥ አንተ እያለህ በሀዘን ተክዤ
ትናንትን ስትሰራ ስታደርግ በአይኔ አይቼ
ስለምን ልጠርጥር ዛሬ የተራራውን ትልቀት ፈርቼ
ተራራው ለኔ እንጂ ባንተ ፊት ምንድነው
የሚገዳደርህ ሀይል የትኛው ነው
አንዳች ነገር የለም ካንተ አቅም በላይ
ሁሉን የምትችል ጌታ አይደለህም ወይ
ይችላል ( #4 )
ይችላል እንቆቅልሽ መፍታት
ይችላል ያዘነን ማፅናናት
ይችላል የወደቀን ማንሳት
ይችላል ጨለማውን ማብራት
ከበበኝ በላይ ያንተ ትልቅነት
ይታየኛል ያንተ ትልቅነት ይከብድብኛል
አምንሀለሁ ጌታ ሁሉ ይቻልሀል
ምን ተስኖህ ሁሉ ይቻልሀል ምን ያቅትሀል?
ከበደኝ በላይ ያንተ ትልቅነት
ይታየኛል ያንተ ትልቅነት ይገዝፍብኛል
አምንሀለሁ አባ ሁሉ ይቻልሀል
ምን ተስኖህ ሁሉ ይቻልሀል ምን ያቅትሀል?
ትሰራለህ ታደርጋለህ የሚሳንህ የለም
ትተክላለህ ትነቅላለህ ከልካይ የለብህም
ክንደ ብርቱ አምላክ ነህ ሁሉን ትችላለህ
ክንደ ብርቱ አምላክ ነህ ሁሉን ትችላለህ
ትሰራለህ ታደርጋለህ የሚሳንህ የለም
ትተክላለህ ትነቅላለህ ከልካይ የለብህም
ክንደ ብርቱ አምላክ ነህ ሁሉን ትችላለህ
ኤልሻዳይ አምላክ ነህ ሁሉን ትችላለህ
ትችላለህ የጠፋን መመለስ
ትችላለህ በሽታን መፈወስ
ትችላለህ ሸለቆን መሙላት
ትችላለህ የሞተን ማስነሳት
●Subscribe 👇
/ @eyerusalemnegiyaofficialch5641