Песня в купе поезда Вамыштомы артэ(удм.яз.)
дуэт гармонисток Надежда Сидорова и Лия Лекомцева исполнили во время поездки песню удмуртских авторов
муз.Михаил Оськин сл.Николай Байтеряков
Сяськаосын сыръя тулыс возь выл,
Нош со сяська пушъёз-а шундытэк?
Та улонын, чебер музъем вылын,
Кызьы меда улод яратонтэк?
Та улонысь кема утчай тонэ,
Кытысь эшшо кыкетӥзэ шедьто?
Сюлэмысьтым уг кушты, гажанэ,
Лулме сямен тонэ мон утялто.
Тылобурдо сямен лопыръяса,
Лобо, кошко уйёс но нуналъёс.
Кырӟанъёсме вуо-а кырӟаса?
Шедьто-а мон тыныд чебер кылъёс?
Мон оскисько: мынам улон азям
Шунды сямен югыт шудэ пиштэ,
Музъем вылтӥ дыртӥсь сюрес кузя
Туннэ сямен вамыштомы артэ.